Zesumme fir d’Biodiversitéit !
Wëllt dir an ärem Gaart e klengt Wanterdoheem fir den Igel, d’Hieselmaus oder de Siweschléifer schafen ?
Vu Januar 2026 un, stellt d’Gemeen Wormer am Kader vum Naturpakt gratis déieregerecht Schutzkëschten zur Verfügung – speziell entworf fir dës geschützten Aarten.
Zil: D’Këschten déngen als Wanterquartéier an droen zum Erhalt vun der lokaler Biodiversitéit bäi.
D’Verdeelung vun de Këschten ass am Kader vun engem Event Ufank 2026 geplangt (de genauen Datum gëtt nach matgedeelt). Bei dëser Geleeënheet berode mir iech iwwert déi gënschtegst Plazen am Gaart, den Ënnerhalt an d’Botze vun der Këscht.
Fir de laangfristegen Erfolleg vun dësem Projet, ënnerschreift all Participant eng Conventioun mat der Gemeng. Deen Accord gesäit vir, datt d’Këscht wärend 9 Joer installéiert an ënnerhaale gëtt.
Äntwert wgl. bis de 28. November 2025.
